9 civilë të vrarë në Kharkiv, përfshirë tre fëmijë

01:15 | 1 Mars 2022
Trina Galanxhi

Të paktën nëntë civile janë vrarë nga sulmet me raketa ruse të hënën në qytetin ukrainas të Kharkiv, ha kryebashkiaku Ihor Terekhov.

Ai shtoi se gjatë sulmeve ruse janë vrarë edhe 3 fëmijë, transmeton portal arbresh.info

“Sot patëm një ditë shumë të vështirë. Kjo na tregoi se nuk është vetëm një luftë, kjo është një masakër e popullit ukrainas,” tha ai në llogarinë e tij në Telegram.

“Raketat goditën ndërtesat e banimit, duke vrarë dhe plagosur civilë paqësorë. Kharkiv nuk ka parë dëme të tilla për një kohë shumë të gjatë. Dhe kjo është e tmerrshme,” tha ai.

Terekhov tha se katër persona dolën nga streha për të marrë pak ujë dhe u vranë.

Një familje me dy të rritur dhe tre fëmijë u dogjën të gjallë gjatë sulmit, ka shtuar ai, ndërsa ka theksuar se 37 persona kanë mbetur të plagosur./arbresh.info/